標題:
雙魚星號 2日 1夜 一問?
發問:
我報了5月16號上船玩，但因為係中銀信用卡有$350優惠先去，但報左名後，先睇到夜晚(20點)登船，早上一早(8點)又要下船，咁即係等於上船睡一晚? 船上有咩玩架? 佢話包三餐自助餐，會唔會係d好差的餐廳呢?求其俾你食d野就算架? 可唔可早上遲d先下船，而唔會加費? 我聽人講話12點下船都得..... 船上的房間點分，我係住在DA，DA好定DD好呢? 有咩分別? 更新: 咁我兩個人去，係咪要同其他人同房架，咁咪好唔方便囉， 係咪要分上下床睡，但我想同男朋友一起睡喎......
此文章來自奇摩知識+如有不便請留言告知
最佳解答:
你參加既係雙魚星號兩日一夜海上之旅，係8點開船(要7點前上到船)，早上8點下船，係專比工作一族去既，船上真係無咩野玩，賭場最多，分別o係3樓、7樓、8樓、11樓，遊戲機中心o係11樓，可以去8樓既天河星夜總會睇show(晚晚唔同)，又或者去11樓既活動中心或太陽神電影院，泳池而家係唔開既，你可以睇下6樓船頭既海皇神健身中心既室內泳池有無水游，食物分面，雙魚星係有幾間餐廳，有D收費，有D免費，免費既我建議去7樓既名廚同11樓既泰皇院，收費可以去8樓既海川日本料理。第2日可以留到12點，過左12點後，每1個鐘要比100元，你既房間係DA，DA係好過DD既，你係唔會同其他人同房，但係你同你男朋有就要分床訓啦。最後祝你旅程愉快 2007-05-12 19:32:18 補充： 8樓既海華宮D野食我覺得唔係咁好!晚飯:上到船就食得，去到9點夜宵: 泰皇院唔開，名廚:11:00開始，海華宮:10:30開始早餐: 名廚:7:00-9:00，海華宮:7:00-9:30，泰皇院唔開 2007-05-15 18:12:51 補充： 如你想同你既男朋友一齊訓，咁你就要升級你既房間至上將套房
其他解答:
基本上係for你玩一晚,你要早d上船,因為八點已經開船la。 第二日下午十二點前落船都係免費,過咗十二點就要加一百蚊附加費。 你放心,d膳食ok ga!幾好味。活動方面,如果你唔鍾意暏錢的話,都幾悶....有d七八十年代 嘅免費show睇;size勁細嘅泳池.... 不過,個人來講,我覺得三百幾蚊,上去食三餐,hea吓,都好超值la! 房間可參考以下網址: http://www.starcruises.com.hk/tc_html/spc.htm
留言列表
