標題:
此文章來自奇摩知識+如有不便請留言告知
我隻鼠鼠勁R呀,點算好?
發問:
我隻鼠鼠近期勁R呀,關唔關熱事呀? 因為我見佢唔係訓就係R,剛剛幫佢沖完涼之後就冇R, 不過一陣之後又R,點算好呀?
最佳解答:
熱都有關係既,天氣熱,周圍環境易污糟多菌,咁就會令到鼠鼠身痕 但都要留意鼠鼠身上既毛有冇明顯少左一部份,有就係有皮膚病了,天氣熱係好易有皮膚病,環境問題,加上鼠鼠既食物又易變壞及有寄生物 如果有皮膚病就可以日日用藥性沖涼炒同佢沖涼,但如果唔係有病,就唔可以咁樣了,唔係就會令鼠鼠既抵抗力下降 A.冇皮膚病既話,同鼠鼠消暑及留意衛生問題,情況就會改善,而且都可以預防皮膚 消暑方法: 夏天太熱時,可以用風扇遠距離咁吹下鼠鼠,又或可以用散熱板(不過唔係隻隻鼠都會用),同時用少d木糠 市面都有俾熱天用既用具,冷氣梳化or一塊板,係放d野入去再會凍既野,用完要再入既,我試過係唔好用既,因為會有水整到出唻,而且唔係真係咁涼. 都有睇過方法話放支冰水在旁再加毛巾,都試過唔似有用,鼠鼠唔會特別去涼,亦都唔覺會涼好多.仲會好多水整落毛巾甚至漏出唻... 所以我本身就用風扇遠遠地咁吹+散熱板+少d木糠. 同時留意水樽出水有冇問題,避免脫水同中暑(當然冬天都要留意,但夏天較緊要) 改善環境: 1)一星期用沖涼粉同鼠鼠沖兩次 2)日日打理一下鼠鼠排泄既地方同埋鼠鼠訓既地方,保持環境乾爽清潔 3)一星期最少完全地清潔鼠籠OR覺得污糟都可以洗下 4)可以用小動物專用既消毒劑去洗籠,又或用牙膏去洗我覺得都唔錯 5)留意鼠鼠既食物,特別係草,睇下會唔會有寄生物,有D寄生物唔易見到,但眼定定望耐D,就可能會見到大量郁郁下既物體,買既時候都要留意呢 6)放鼠鼠及鼠鼠既食物去陰涼處 B.有皮膚病既做法: 1)有第隻鼠既話要分籠 2)有皮膚病就要保持個籠乾爽清潔 3)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期. 藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥. 4)曾見過有俾鼠鼠飲既皮膚病藥水,叫"美毛素",如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,大約$55-70,買既時候記得睇下有效日期. 5)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既. 6)檢查下鼠鼠排尿有冇問題,膀胱or腎有事都會令鼠鼠有皮膚病 7)當然可以直接帶佢睇醫生啦. .睇醫生既話可以考慮一下: 愛護動物協會診所資料: http://www.spca.org.hk/chi/vet/vetclinic.html 愛護動物協會流動醫療車資料: http://www.spca.org.hk/chi/vet/moclinic.html
其他解答:
留言列表
